6/06/2014

මනස පිහිටා ඇත්තේ හෘදය තුලද? Where is your mind in terms of the Buddhism?

Posted by with 2 comments

බුදුන් දවස පොදු පිලිගැනීම වී තිබි ඇත්තේ මිනිසාගේ මනස පිහිටා ඇත්තේ හදවත තුල බව පෙනේ. ඊට හේතුව ලෙස හදවතේ ස්වයං ක්‍රියා කාරීත්වය දුටු එදා මිනිසා එයට සිරුරේ අනෙක් අවයවයන්ට වඩා වැඩි ආකර්ෂණයක් දැක්වීම විය හැක.නුමුත් වඩා වැදගත් කාරණය වන්නේ මනස පිලිබද පරතෙරට විශ්ලේශනයක යෙදුනු බුදුරජාණන් වහන්සේ මෙම වරද නිවරැදි නොකිරීමයි. එයට හේතු වන්නට ඇත්තේ කුමක්ද?

මම සිතන ආකාරයට බුදු රජාණන් වහන්සේ සිය මනස දියුණු කිරීම තුලින් සිත පිලිබද කරුණු අවබෝධ කර ගන්නට ඇත. නමුත් බැහැර කල නොහැකි යථාර්ථය නම් මනස දියුණු කරීම තුලින් පමනක් ම භෞතික ලෝකය අවබෝධ කර ගැනීමට, විශ්ලේශණය කරීමට නොහැකි බවයි. අප බෞද්ධයන්ට වැරදුනු තැනද එයමය. එබැවිනි බුදු රජාණන් වහන්සේ ලෝකයේ සම්භවය, ජීවයේ උපත, ක්වොන්ටම්වාදය ආදියද දැන සිටියායැයි ලතෝනි දෙන්නේ. මෙය එක් ආකාරයකට උන් වහනසේට කරණ අවමානයකි. උන් වහන්සේගේ මනස පිලිබද පැවැති තික්ෂණ බුද්ධියට ලෝකයෙන් ලැබිය යුතු ගෞරවයද නිහීන කිරීමකි. එය මා හට   මෙවැනි උදාහරණයකට සමකල හැකිය. “දක්ෂ වෛද්‍යවරයෙක් සභාවකට ගෙන්වා තෙකලා විදුලිය පිලිබද විද්‍යාත්මක විශ්ලේෂණයක් කිරීමට බල කිරීම.“

මෙහිදී තව කාරණයක් සදහන් කිරීම වටී. එනම් අද දින තුල මෙම වරද නිවැරදි කිරීමට බෞද්ධ සමාජය තුල වැඩසටහන් දෙකක් ක්‍රියාත්මක වේ

1. මෙම අභිධර්ම ප්‍රකාශය කිසිදු තැනක කථා නොකිරීමට වග බලා ගැනීම. සිතා මතා අමතක කිරීම. එවැන්නක් බුද්ධ ධර්මය තුල නොමැති ලෙස සිටීම.

2. මෙම කාරණය බුදුන් විසින්ද නිරීක්ෂණය කල මුත් එයනොසලකා හැර ඇති බව ප්‍රකාෂ කිරීම (එවකට පැවති සමාජයේ සිත රිදේවි යැයි කියා සිතා ගමු) අභිධර්මය බුදුන් ගේ ම ප්‍රකාශණයක් නොවන බවටද එය පසුව බුද්ධ ධර්මයට එක් වුවක් බවටද  උසස් බෞද්ධ අධ්‍යාපනයේදී සදහන් වෙයි.

කෙසේ වුවද බැරි වෙලාවත් යම් දිනෙක නූතන විද්‍යාෙව් නව සොයා ගැනීමක් ලෙස මනස හා හෘදය අතර සම්බන්ධතාවයක් පෙන්වා දෙනු ලැබුවහොත් එදිනට  අපේ බෞද්ධ ක්‍රිකාකාරීන් මෙම අභිධර්ම වගන්තිය පෙරට ගෙන  මර ලතෝනි තබනු ඇත.


හැගීම් - දැනීම්

2 comments:

  1. This comment has been removed by the author.

    ReplyDelete
  2. අමෙරිකාවේ තරුණියක් පිහියෙන් ඇන මරා දැමුණා. පසුව ඇගේ හදවත වෙනත් තරුණියකට බද්ධ කළා. ශල්‍යකර්මයෙන් පස්සේ එම තරුණියට හදවතේ මුල් අයිතිකාරියට පිහියෙන් ඇන මරා දැමූ මිනීමරුවා සිහිපත් වෙනවා. ඇය කරන විස්තරයට අනුව මිනීමරුවා අල්ලා ගන්නවා.
    ඇත්තටම එහෙම වෙන්නේ කොහොමද? ස්මරණයක් පවත්වාගෙන යන්න හදවතට පුළුවන්ද? අපි හිතන්නේ මතන්නේ හදවතින් ද? හදවත ගැන බටහිර වෛද්‍ය විද්‍යාවේ පිළිගන්න ආකාරයට ලේ පොම්ප කරන මධ්‍යස්ථානයක් පමණක් නොවේද?

    ReplyDelete