8/04/2019

ෂාපි ෂිහාබ්දීන් ලාංකීය මව් වරුන් වඳ භාවයට පත් කිරීමේ චෝදනාවෙන් නිදහස් කළ යුතුද? Complainants Against Dr Shafi Shihabdin. Can it be proved?

ෂාපි වෛද්‍යවරයා ශ්‍රී ලාංකික මව්වරු දහසක් දෙනා හිතාමතා වඳ භාවයට පත් කිරීම පිළිබඳ මාතෘකාව පළමුවෙන් ම  කරළියට පැමිණෙන්නේ දිවයින  පුවත් පතේ පළ වූ ප්‍රවෘත්තියකි නි.
අනතුරුව එය ලැව් ගින්නක් සේ රටපුරා ව්‍යාප්ත වූ පුවතක්  බවට පත් වූ අතර බහුතර මතය වූයේ ෂාපි  වෛද්‍යවරයා  හිතාමතාම මව්වරුන් වඳ  කළ බවයි. එය  එසේ ම වූවාදැයි සැකයෙන් බලන කොටසක් සහ  එය පිලි නොගන්නා කොටසක් ද සමාජයේ  සිටින බව අප  අමතක කළ යුතු නොවේ .
මෙහි සැලකිල්ලට ගත යුතු කාරණය නම් මෙම ප්‍රවෘත්තිය පිළි ගන්නා බහුතරය සේම එය ප්‍රතික්ෂේප කරන සුළුතරය යන දෙකොට්ඨාශයම එකට ගත් කලද, ඉන් සීයට අනූ නාමයක් ම දෙනා කිසියම් හෝ  පූර්ව නිගමනයකට පැමිණ ඇත්තේ ,මෙම පරීක්ෂණයට සෘජුව සම්බන්ධ වී නොව ,ඒ හා සම්බන්ධ ප්‍රවෘත්ති සහ සමාජ ජාල මත පදනම් වී බවයි .
එකී පදනම මත සිට මේ දෙස බලන තවත් එක් පුද්ගලයකු ලෙස  මම අයත් වන්නේ  , ෂාපි  වෛද්‍යවරයා සිංහල මව්වරුන් වඳ භාවයට පත් කරනු පිණිස හිතා මතා ඔවුන් ගේ පැලෝපීය නාලවලට හානි සිදු කළ බව නො පිළිගන්නා කොට්ඨාශය ට බව පළමුවෙන් කිව යුතු ය .
එයට  ගීත  මූලික හේතුව  මෙකි   , කවදාවත් දැක නැති සහ අසා නැති ෂාපි  නැමති වෛද්‍යවරයා පිලිබඳ ව ඇති වූ  අබ මල් රේණුවක හෝ විශ්වාසයකින් නොව, එම චෝදනාවන්  ගෙන එන පාර්ශවය විසින් යොදා ගනු  ලබන තර්කයන් සහ සාක්ෂි වල ඇති පක්ෂග්‍රාහී සහ  පදනම් විරහිත ලක්ෂණයන් නිසාම ය.
ෂාපි  වෛද්‍යවරයාට විරුද්ධව සහ ඔහු කළා යයි කියනු ලබන   ජන සංහාරයට පක්ෂව ඉදිරිපත් වූ චෝදනා මොනවා ද , ඒවා බලවත් නො වන්නේ ඇයි ද යන්න මොහොතකට සලකා බලමු .

6/16/2019

මැල්කම් රංජිත් කාදිනල් තුමා වීරයෙකු වී මංගල සමරවීර දුෂ්ටයෙකු වීම

පසුගිය දා සිදු වූ විනාශකාරී අත්දැකීමට අනතුරුව මැල්කම් රංජිත් කාදිනල් හිමි පාණෝ සිංහල බහුතරය අතර වීරයෙක් වී ඇත . ඒ අතර වාරයේම මංගල සමරවීර අමාත්‍යවරයා සිංහල යා ඉදිරියේ දුෂ්ටයකු වී ඇති බවද නොකිවමනාය .
මෙහි වැදගත් කාරණාව කාදිනල් තුමා වීරයෙකු වීමටත් මංගල සමරවීර  දුෂ්ටයකු වීමටත් හේතු වූ කාරණාව යි .
පළමුවෙන් කාදිනල් තුමා ගැන සලකා බලමු . ලංකාව බෞද්ධ රටක් ය බෞද්ධයා කිතුනුවන් ගේ වැඩිමහල් සහෝදරයාය ආදී කරුණු පැවසීම නිසා එතුමා සිංහලයා අතර පිළිගැනීමට ලක් විය . නමුත් වඩා වැදගත් වන්නේ එතුමා ගේ ප්‍රකාශය සිංහල බෞද්ධයන්ට හිත කර ප්‍රකාශයක් වීම නිසා එතුමා ජනප්‍රසාදයට පත් වූවා ද නැති නම් මගේ ප්‍රකාශය නිවැරදි වීම නිසා එ තුමා අගය කිරීමට ලක් වූවා ද යන්න යි .
යම් පුද්ගලයෙක් හෝ පුද්ගල ප්‍රකාශයක් විනිශ්චය කළ යුත්තේ එම ප්‍රකාශයේ නිවැරදි භාවය ඒ මත මිස එම ප්‍රකාශය අපට හිතකර ද අහිතකර ද යන තත්ත්වය මත නොවේ .  අපට හිතෛෂී නොවන කිසියම් ප්‍රකාශයක් විදෙස් රටකින් කරන ලද සෑම අවස්ථාවකදීම ,එහි පවතින නිවැරදිතාවය සලකා නොබලා එය ප්‍රතික්ෂේප කිරීම අද වන තුරුත් සිදුවී ඇත .
බ්‍රිතාන්‍යයේ ශ්‍රී ලංකා තානාපති කාර්යාලය ඉදිරියේ දමිල  ඩයස්පෝරාව  විසින් කරල ද උද්ඝෝෂණයකදී  හමුදා නිලධාරියා විසින් කරන ලද හස්ත සංඥාව ඔබට මතක ඇතැයි සිතමි . එංගලන්තයේ නීති අනුව සාමකාමී උද්ඝෝෂණය වරදක් නො වේ . නමුත් එය කොටි ඩයස්පෝරාව වීම නිසා එය අපට වරදක් විය . හමුදා නිලධාරියකු පොදු ස්ථානයක දී ජනතාවට ගෙළ සිඳ ලීම  සංඥාවකින් පෙන්නුම් කිරීම කිසිදු නීතියකින් ඉඩ දෙන්නක් නොවේ . නමුත් ඔහු සිංහල අපට  වීරයෙක් විය.
මින් පෙනී යන්නේ අපි විසින් යම් සිදුවීමක් අර්ථ දක්වන්නේ එය  අපිට බලපාන්නේ කුමන ආකාරයෙන් ද  යන්න මත බවයි. නමුත් ඒ ශිෂ්ට සමාජය පිළිගත් ක්‍රමය නොවේ . මක් නිසා ද යත් , අනෙක් පාර්ශවය ද ඔවුනට වාසි සහගත ලෙස සිතීම වැළැක්විය නොහැකි බැවිනි .

6/09/2019

බෞද්ධයකු ලෙස ඔබ රැස් කරගන්න සියලුම කුසල් ඔබ සතු ද

බෞද්ධයකු ලෙස කුසල් රැස් කරන ඔබ , එම කුසල්  සියල්ල ඔබ සතු යැයි සිතා සිටිනවා වුවද , එය එසේ නොවන බව  බෞද්ධ ධර්මය තුළින් ම පෙන්වා දීමට මෙම ලිපිය ලියමි.
අපි සිතමු ඔබ රැකියාවට යන විට හමු වන  සිඟන්නෙක් බඩගින්නට යමක් ඉල්ලුවා කියා . ඔහු ගැන කණගාටුවන ඔබ දිවා ආහාරය සඳහා ඔබ ගෙන යන බත් පත ඔහුට පිළිගන්වයි. ඔහු බත් පත අනුභව කර ඔහුගේ කුසගින්න නිවා ගනී  . මෙය ඉතා පැහැදිලි කුසල කර්මයක් බවට  විවාදයක් නැත.
නමුත්  සිඟන්නා බත්පත තව යමෙකු ට විකුණා ලැබෙන මුදල් වලින් මත් ද්‍රව්‍ය පානය කලොත් ඔබ, ඉහත සඳහන්  කුසල කර්මයට ම හිමි කම් ලබනවා ද?
බහුතර මතය වන්නේ කුසලය තීරණය වන්නේ සිඟන්නා ඉන් අනතුරුව සිදු කරන දේ මත නොව , බත් පත දීමේදී ඔබ සිත තුළ ඇති වන යහපත් චේතනාව මත බව යි .
ගවයකු නිදහස් කිරීම , දිළිඳු අයෙකුගේ  ශල්‍ය කර්මයකට ආධාර කිරීම , පුණ්‍යායතනයක් අලුත් වැඩියාවට අමුද්‍රව්‍ය සැපයීම ,  ආදී මෙකී නොකී සියලුම  පුන්‍ය ක්‍රියාකාරකම් වලදී , ඔබ රැ ස් කර  ගන්නා කුසල්  සම්බන්ධයෙන් මේ තත්ත්වය  වැදගත් වේ .

5/12/2019

සත්‍ය ජාතිකත්වය සොයමින් සිටිමි

ශ්‍රී ලංකාවේ මෑතකදී සිදු වූ වියසනයත් සමග  සිංහල  ජාතිකත්ව හැඟීම (පුරවැසි නොවෙයි ) ප්‍රබල ලෙස උද්දීපනය වී ඇති බව පෙනේ. දමිළ ජනතාව සහ මුස්ලිම් ජනතාව තුළ ඇත්තේ නිහඩතාවයක් ද නැති නම් අප ඔවුන් ගේ සමාජ මාධ්‍යන්ගේ බැහැරව සිටිම දැයි නො දනිමි 

ජාතිකත්වය යනු ස්ව ජාතියට ආදරය කිරීම සහ එහි පුනර්ජීවනයට  කටයුතු කිරීම ලෙස ගත හොත්, ජාතිය වෙනුවෙන් පෙනී සිටින සියලුම ජාතිමාමකයන් තුළ 
එකී ලක්ෂණ අන්තර්ගතව තිබිය  යුතු ය .

කරුණු එසේ වුව ද අප දකින ජාති මාමකයින්  තුළ පවතින වෙනත් පොදු ලක්ෂණයක් නම් හඳුනා ගත හැක. ඒ නම්  තම පුද්ගලික අවශ්‍යතා සඳහා ජාතිකත්වය වලංගු නොවුව ද අන් සමාජය තුලින්  ජාතිකත්වය උපරිම ලෙස බලාපොරොත්තු වීමයි.

4/30/2019

ශ්‍රී ලංකාවේ බුර්කාව තහනම් කරයි Sri Lanka bans face veils after attacks by Islamist 

ශ්‍රී ලංකාවේ ජනාධිපති විසින් මුස්ලිම් කාන්තාව අදිනු ලබන බුර්කාව භාවිතා කිරිම අද දින සිට තහනම් කර ඇත. මෙම තීරණයට හේතු වී ඇත්තේ මෑතක දී ශ්‍රී ලංකාවේ ඇති වූ ඉතා කනගාටුදායක සිදුවීම් වලින් අනතුරු ව පුද්ගල අනන්‍යතාව ය ආවරණය කිරීම  රටේ ආරක්ෂාවට තර්ජනයක් වන නිසා බව පැහැදිලි ය . එහි විවාදයක් නොමැත
ජාතික ආරක්ෂාව වෙනුවෙන් ගනු ලබන ක්‍රියාමාර්ග වලට රට වැසියා හිස නැමිය යුතු ය . ඒ අනුව සිය සංස්කෘතිකමය අංගයක් වූ මුහුණ, බාහිර පුද්ගලයන් ගෙන් ආවරණය කර තබා ගැනීම නතර කිරීමට මුස්ලිම් කාන්තාව හෙට දින සිට සූදානම් විය යුතුය .
මෙය බහුතර මුස්ලිම් කාන්තාවට සිදු වන යම් අපහසු තාවයකි . ඒ නිසා මේ කි නීතිය වෙනස් කළ යුතු යැයි මින් අදහස් නොකරමි .  නමුත් මුස්ලිම් කාන්තාව රටේ ආරක්ෂාව වෙනුවෙන් ගනු ලබන එකී පියවර අපි අගය කළ යුතු නොවේද .

3/17/2019

Evolution is a concept. so is the religion පරිණාමය සංකල්පයකි ආගම ද එසේ ම ය

මා දන්නා තරමට කිසිදු ආගමක් ජෛව  පරිණාමය පිළිනොගනී . පරිණාමීය සංකල්පයට කිතු දහම කරනු ලබන අභියෝගයක් වන්නේ, පරිණාමය තුළින් නව ජීවියෙක් නිර්මාණය වීමට  හැකි නම් එය ඔප්පුකොට පෙන්වන ලෙසයි. පරිණාමය සංකල්පයක් ලෙසම තවදුරටත් පවතින්නේ  ඒ නො හැකියාව  නිසාම ය.
එහි දෝෂය  ඇත්තේ පරිනාමය තුල නොවේ . පරිණාමය සිදු වීමට ගතවන කාලය සහ මිනිසාගේ ජීවන චක්‍රය  අතර පවතින කාල පරතරය ඊට හේතුවයි . මිනිස්සු  පරම්පරා සියයක් ජීවත් වීමට වුවද ගත වන්නේ වසර මිලියනයකින්  සියයෙන්  පංගුවක් පමණක්  වුවද , පරිණාමය තුළින් නව ජීවියෙක් බිහි වීමට වසර මිලියන දහස් ගණනක් ගත විය හැක . එ බැවින් පරිණාමය තුළින් නව ජීවියෙක් බිහි වීම සියැසින් දැකීමට අප ජීවත් නො වීම, පරිණාමයේ  වරදක් නොවන්නේය .
කිතු දහම ගෙන එන දෙවන තර්කය වන්නේ සෛලයක් නිර්මාණය වීමට අත්‍යාවශ්‍ය අංගයක් වන ප්‍රෝටීන් සහ RNA අතර පවතින සම්බන්ධතාව යයි . ප්‍රෝටින් නිර්මාණයට RNA අත්‍යවශ්‍ය වන අතර RNA නිර්මාණයට ප්‍රෝටීන අත්‍යවශ්‍ය වේ . එම නිසා ප්‍රොටින් හෝ RNA හට  තනිව ම නිර්මාණය වීමට හැකියාවක් නැති බව කිතු දහම තර්ක කරනවා.  අද පවතින දැනුම අනුව එයට පිළිතුරක් විද්‍යාව තුළ නොමැති වුව ද , අනාගතයේ දී එයට විසඳුමක් ලද හැකියි .