5/31/2020

ලංකාවට අසාධාරණයක් වන වන ලෙස ක්‍රියාකරන ජාත්‍යන්තර සංවිධාන වල සාමාජිකත්වයෙන් ඉවත් වීමට ජනාධිපති ට හැකිද?




 
මැයි 19 වැනිදා පැවති යුද ජයග්‍රහණ සැමරුම් උත්සවයේදී  ජනාධිපති තුමා  ප්‍රකාශ කළේ ශ්‍රී ලංකාවට අසාධාරණයක් වන පරිදි ක්‍රියා කරන ජාත්‍යන්තර සංවිධාන වලින් ඉවත් වන බව යි.

ජනාධිපති තුමා මෙම ප්‍රකාශය කරන ලද්දේ එම සංවිධාන වලට ඇසෙන්නට ද නැති නම් යුද ජයග්‍රහණයක් සමග දේශානුරාගයෙන් නැහැ වී සිටී ශ්‍රී ලාංකිකයින්ට ද යන්න පැහැදිලි කර ගත යුතුව ඇත .

එම ප්‍රකාශය කරන ලද්දේ එක්සත් ජාතීන්ගේ සංවිධානය සහ ඊට අනුබද්ධ මානව හිමිකම් ඇතුළු අනෙකුත් සංවිධාන වලට ඇසෙන්නට නම් , ඔහු විසින් කරන ලද්දේ ඔහුවම සමච්චලයට ලක් කර ගැනීමකි . 
ඊට කාරණා දෙකකි . 

පළමු වැන්න නම් , මරණාධාර සමිතිය කින් හෝ වේවා  යම් කිසිවෙක් ඉවත් වන්නේ නම් , කළ යුත්තේ ඊට අදාළ  විධිමත්  ක්‍රියා පිළිවෙත අනුගමනය කිරිමයි . එසේ නොමැති ව ඒ බව සමිතියේ සභාපති ට ඇසෙන්නට ප්‍රකාශ කර සිටීමෙන් කිසිදු පලක් වන්නේ නැත . තව ද ඒත් ඒ සභාපතිට හා සාමාජිකයන්ට ඇසෙන්නට ප්‍රකාශය නිකුත් කිරීමට බිය වී සමිතියෙ ඉදිරි ක්‍රියාමාර්ග වෙනස් කම් වලට ලක් කිරීම, අවම වශයෙන් මරණාධාර සමිතියක් වත් සිදුකරන්නේ  නැත .

එසේ නම් එක්සත් ජාතීන්ගේ සංවිධානය ජනාධිපති තුමාගේ ප්‍රකාශය ශ්‍රවණය කර ශ්‍රී ලංකාව  ඒ සම්බන්ධයෙන් ඉදිරියට ගැනීමට නියමිත පියවරයන් මං වෙනස් කරනු ඇතැයි සිතිය නො හැක .

මෑතක දී ශ්‍රී ලංකා හමුදාපති සහ පවුලේ සාමාජිකයින්ට ඇමරිකාවට ඇතුළුවීමට තහනම් කර ඒ රට විසින් පනවන ලද නියෝගයට ශ්‍රී ලංකාව ප්‍රතිචාර දක්වන ලද්දේ මානව හිමිකම් සංවිධානය ට ඉදිරිපත්ව තිබූ යෝජනාවෙන්  ඉවත් වීමෙනි . එසේ ඉවත්  වූවාය කියා  එම යෝජනාව ට කිසිවක් නො වී තවමත් වලංගුව පැවතීම වෙනම කරුණකි . ඇමරිකාව තම නියෝගය අකුලා ගත්තේ ද නැත . එසේ තිබිය දී එම ඇමරිකාව විසින් ම කෝවිඩ් වසංගතේ ට කියා ඩොලර් මිලියන  ගණනෙන් ආධාර කරද්දි , එය බාර ගැනීමට නම්,  පළමු ව  හමුදාපති ට එරෙහි යෝජනාව ඉවත් කරගන්නා ලෙස කීමට එඩිතර  කිසිවකු සිටියේ නැත .

ජනාධිපතිතුමා ගේ ප්‍රකාශය මත, ජාත්‍යන්තර සංවිධාන වල ඉදිරි ක්‍රියාමාර්ග  වෙනස් නොවන බවත් , එම සංවිධාන වලින් ඉල්ලා අස් වීමට අදාළ විධිමත් ක්‍රියා මාර්ග නොගන්නා බව ත් පැහැදිලි නම් මෙන්න ප්‍රකාශය කර ඇත්තේ ජාත්‍යන්තරයට නො වන බව ද පිළිගත යුතුය .

එ සේ නම් ජනාධිපති තුමා  මෙම  ප්‍රකාශය කර ඇත්තේ රටේ ජනතාවට ය . නමුත් මෙම ප්‍රකාශය ලාංකිකයින්ට කියා පලක් වන්නේද නැත . අපිට කීමෙන් ඇති එක ම වැදගත්කම  වන්නේ , එක්සත් ජාතීන්ගේ සංවිධානයෙන්  ඉවත් වීමෙන් අනතුරු ව   ශ්‍රී ලාංකික  අපි නන්නත්තාර වන බව අපිම අවබෝධ කර ගැනීම පමණි .

එසේනම් ජනාධිපති තුමා මෙම ප්‍රකාශය කිරීමෙන් බලාපොරොත්තු වූයේ හුදෙක් තම රටේ ජනතාව යුද ජයග්‍රහණය සමරන අවස්ථාවේ දී තාවකාලික වින්දනයකට පත් කර තම ඡන්ද සංඛ්‍යාව එකකින් හෝ වැඩි කර ගැනීම පමණක්  බව  නිගමනය කිරීමට සිදු වේ .
pic by AFP

No comments:

Post a Comment